عوده الحب الضال
خايف احب خايف احب ابعد عن كل روتيناتي اللي كنت بعملها الصبح اكلم بنت وبالليل انزل اقابلها خايف احب والحب يسرقني ويخليني ابعد عن كل موزاتي اللي كنت علي الشات دايما معاهم وفي الموبايل بديهم مزداتي خايف احب خايف احب انهارده واحده وارتبط بيها وبعد يومين الاقي نفسي مع واحده تانيه ومشدود ليها ماهو معني اني احب يعني اقطع كل علاقاتي القديمة يعني امسح رقم بوسي ومروة وسعاد وفهيمة لأن قبل الارتباط انا زي الطير اللي طاير وفارد جناحاته لكن الارتباط هو السكينة اللي هتقصقص ريشه وتمحي حكاياته بس لحد امتي يازمن هفضل هربان ومن غير حب ولا حبيب لحد امتي هفضل داير حاير ومليش في الطيب نصيب انا عاوز افوق واخيرا فقت بعد ايام عشتها تايه حيران قولت اجي افرحكم بدل كلامي اللي كتر عن الاحزان والمرادي مش جاي اتكلم علي فراق ودموع وحب راح جاي اتكلم عن حب اتولد وسط اشواك وجراح حب اتولد واتربي وكبر وعاش ووسط كل الظروف لسه منتهاش تعرفوا ليه ؟؟ لانه حب صادق حب بيجري جوه عروقي وجوه دمي من زمان مكنتش حاسس بيه ولا وانا بصحي ولا وانا بنام بس حسيته لأن قلبي قالي ياغبي افهم وشوف وبص حواليك مش هتلاقي احن من حبيبك اللي مازال جنبك وبين ايديك قولتله انت تخرس خالص لأني ياما مشيت وراك وكنت ببقي الضحية وساعتها مش بلاقي حد يواسيني ولا يصبرني ولا يحس بيا رد عقلي وقال ياغبي ده حبيبك اللي انا من زمان بشاورلك عليه وانت ولا معبرني ولا حتي عاوز تسمعلي كلمة طب ليه ؟؟ قولتلهم ملهاش لزوم كلمة غبي دي وخليكم محترمين ده انتوا في كل مرة بتضحوا بيا .. يعني عشان الأم تعيش تموتوا الجنين ؟؟ قعدوا معايا الاتنين ( قلبي وعقلي ) وكان الاختيار سليم واخيرا اقتنعت بكلامهم ولقيت حبيبتي بعد غياب سنين بشتاق لضحكتها ولصوتها ولرنتها وللون عنيها وبسمتها بشتاق لسؤالها عليا وكلامها معايا وبشتاق لرقتهامش هسيبك تاني ياحبيبتي وابعد عنك من جديد غير لو فارقت روحي جسدي وبعدتني عنك بعيد ولو طلع عليا حرامية في مرة عشان يسرقوني وبعد سرقتهم ليا جابوا سكينه عشان يقطعوني هقولهم قطعوا جسمي كله بس متطعنونيش في قلبي عشان حبيبي موجود جواه وهو اغلي حاجه عندي
